Вести

Претседателот Пендаровски ги прими иноваторите на проектот „Филтер за воздух вграден во велосипедско тркало“

Пронајдокот „Филтер за воздух вграден во велосипедско тркало“, неодамна учествуваше на меѓународната изложба „KIWIE 2019“ одржана во Сеул, Јужна Кореја, каде што освоија Златен медал доделен од Меѓународната комисија составена од експерти во дадената област, Златен медал со диплома од страна на Асоцијацијата за промоција на пронајдоци и иновации од Индонезија и Диплома за најдобар пронајдок од страна на Центар за Жени иноватори на Узбекистан.

ГЕТ тимот го запозна претседателот Пендаровски со нивната идеја, преку реализацијата на овој проект на граѓаните да им се понуди нова услуга, која овозможува алтернативен начин за движење во градска средина, односно интелигентен градски транспортен систем на електрични велосипеди кои ќе може да се изнајмуваат и кои со вградените филтри ќе го прочистуваат воздухот од ПМ10 честици, притоа придонесувајќи и за намалување на градскиот метеж.

Пронајдокот „Филтер за воздух вграден во велосипедско тркало“ со најдобра иновација во Сеул

Пронајдокот „Филтер за воздух вграден во велосипедско тркало“ кој е остварен од страна на нашите студенти: Ина Крстевска, Филип Попоски, Марко Насески, Мартин Спасовски Игор Џамбаски и Александар Јанковиќ, заедно со вон. проф д-р Иле Мирчески и дип. маш. инж. Тошко Ристов на 12-та по ред меѓународна изложба  „KIWIE 2019“ одржана во Сеул, Јужна Кореја во периодот од 20 до 23 јуни 2019, во организација на Корејската асоцијација за жени пронајдувачи KWIA и поддршка од Корејскиот завод за интелектуална сопственост KIPO и светската организација за интелектуална сопственост WIPO се здоби со следните награди:

  • Златен медал од страна на Меѓународната комисија составена од експерти во дадената област
  • Златен медал со диплома од страна на Асоцијацијата за промоција на пронајдоци и иновации од Индонезија
  • Диплома за најдобар пронајдок од страна на Центар за Жени иноватори на Узбекистан.

Интервјуа на членовите од ГЕТ тимот

  • Интервју со нашиот Филип Попоски за Радио МОФ – 06/12/2018
  • Учество во централен дневник на 1ТВ на нашите Филип Попоски и Ина Крстевска 07/12/2018
  • Интервју со нашиот Филип Попоски за Иновативност 09/12/2018
  • Интервју со нашите Ина Крстевса и Мартин Спасовски за Канал 5 Телевизија 15/12/2018
  • Интервју за Фактор со нашиот Марко Насески 17/12/2018
  • Интервју со нашите Филип Попоски и Марко Насески за емисијата Топ Тема на Телма ТВ 28/12/2018
  • Интревју на нашите Филип Попоски и Марко Насески за Anadolu Agency: 02/01/2019
  • Видео интервју со Филип Попоски за Види Вака 05/01/2019
  • Интервјуто за Anadolu Agency и во Турција 14/01/2019
  • Интервјуто за Anadolu Agency и во БиХ, Србија и Хрватска 15/01/2019
  • Статија во Bankar.me од Црна Гора за нас 15/01/2019
  • Интервјуто за IT.mk со нашиот Александар Јанковиќ 18/01/2019
  • Статија на Иновативност за ГЕТ-Велосипед по презентацијата во Универзитет на Југоисточна Европа во Тетово заедно со ФИТР 24/01/2019
  • Интервју со нашиот Тошко Ристов за Нова Македонија 31/01/2019
  • Претставувани од нашиот Филип Попоски, ГЕТ-Велосипед дел од затворањето на фестивалот Скопје Креатива 02/06/2019
  • Нашите Игор Џамбаски и Александар Јанковиќ дел од Утринска на Телма 12/06/2019

ГЕТ велосипедот во завршна фаза

"ГЕТ" добитник на средства на јавниот повик "О2 предизвик"

О2 предизвикот кој беше отворен од 03.11.2017 до 30.11.2017 со цел поттикнување на иновативни идеи кои ќе го решаваат проблемот со загадувањето на воздухот во рамките на Република Македонија е тој кој даде можност за финансирање и изработка на ,,ГЕТ” системот. Низ целиот предизвик учество земаа 30 компании со свои проекти од различни области. Фазата на оценување и селекција започна, на 18 декември 2017г. од страна на комисија составена од: Јован Деспотовски, директор на фондот, Јани Макрадули, заменик министер за животна средина и просторно планирање, Јасмина Белчовска од УНДП, Ана Чоловиќ Лешовска од Еко-свест, Татјана Атанасовска – Гроздановска од 02 Коалиција, како и две стручни лица од областа на техничкото решение и деловните планови. Нашиот предлог проект ја помина првичната селекција, а по јавната презентација на проектот, и официјално ги добивме бараните средства преку Фондот за иновации и технолошки развој, односно како едни од победниците на „О2 Предизвик“ нашиот проект беше подржан со 1,652,602 денари.

За да ја видите презентацијата кликнете

Тука

Официјално доделување на грантот за "ГЕТ" системот во влада

Официјалното врачување на добиениот грант од Фондот за иновации и технолошки развој кој беше резултат на нашето учество во „О2 Предизвик“ , се одржа на 8 Фебруари 2018 во Владата на Република Македонија. На овој настан беа доделени грантови на вкупно 20 компании. На наше задоволство добивме покана од Владата на РМ, наш претставник да одржи говор. Во продолжение е транскриптот од говорот на нашиот претставник: "Почитуван премиере, почитуван вице-премиере, почитувани гости и претставници на медиумите. Чуствуваме голема одговорност и потреба да ја изразиме нашата благодарност, најпрвин на Фондот за иновации и технолошки развој и секако за Владата на Република Македонија. Без нивната подршка, реализацијата на нашиот проект би била речиси невозможна. Ви благодариме на изразената доверба. Денес сме тука да ве запознаеме со нашиот ГЕТ-велосипед (градски еко транспорт), проект кој е еден од добитниците на грант во рамките на „О2 предизвикот“ организиран од страна на Фондот за иновации и технолошки развој. Во кратки црти проектот предвидува креирање на градски систем со електрични велосипеди, кои во себе имаат вградено проактивни филтри. Ние, група студенти раководени од професор на Машински факултет – Скопје и со подршка од компанијата Венито Комерц – Кавадарци веќе започнавме со реализација на проектот ГЕТ-Велосипед. Продолжувајќи ја досегашната работа на ГЕТ тимот, нашите цели се, со помош на стекнатите средства од Фондот за иновации и технолошки развој, до крајот на годината да имаме целосно функционални протитипови на станицата и велосипедот. Како добитници на грант во рамките на „О2 предизвикот“ очигледно е дека системот треба да носи бројни бенефити за крајниот корисник, односно секој од нас граѓаните. Помеѓу најзначани бенефити кои неминовно мора да ги напоменеме се:

  • Прочистувањето на воздухот со помош на вградените филтри во велосипедите
  • Намалување на бројот на возила во сообрајќајот
  • Промена на навиките на граѓаните
  • Овозможувње на нов начин за движење низ градовите во нашата држава
  • Бројни здравствени бенефити кои се неминовна последица од користењето на ваквиот систем

За крај би сакал во името на тимот и лично да Ви се заблагодариме за вашето внимание и уште еднаш да се заблагодариме за безрезервната подршка и доверба која ни ја изразивте."

Одржаниот говор на нашиот претставник Филип Попоски може да го проследите на следниот линк

Тука